名堤越南料理專門店

續 : 皮禮士色彩世界
續 : 木卡通動物展 

連續看了兩種不同種類展品 , 要回到現實開始覓食 , 

來到銅鑼灣謝斐道 , 整條街食肆林立花多眼亂 , 

最後我們到越南料理專門店 " 名堤 "  , 

其實我們經不起在街上派傳單的姐姐不停游說 , 

還硬著帶我們過馬路前去的 , 

好彩這裡的食物都算唔錯 .

雞絲湯河

火車頭湯河 , 相公的至愛全部都係牛 , 

生牛肉、牛腩、牛丸、牛柏葉、牛肚、牛筋、生洋蔥等等 , 

我唔食牛衹好問相公對這碗湯河有乜評價 , 又係嗰句好食呀 ! 

越南咖啡 , 侍應姐姐送埋嚟跟我們說 , 暫時唔好攪杯咖啡 , 

等上面金屬杯內的咖啡流哂落下面個杯才好移開金屬杯 ,

我好奇把金屬蓋掀起小小睇下 , 裡面啲咖啡烏卒卒冇香味 . 

相公都係第一次試飲這種咖啡 , 我小時候曾飲過一小杯咖啡 , 

就連續幾晚都沒有瞓過 , 從此以後我唔敢再飲 , 

過咗大概十分鐘 , 打開個蓋睇下冇哂咖啡 , 

上面的金屬杯裡面有個孔 , 咖啡便從這孔慢慢流落下面的咖啡杯裡

其實唔太明白點解咁做 , 有乜好處呢 ?

金屬杯裡啲咖啡和煉奶攪勻之後 , 相公急不及待飲啖先 , 

他說麻麻地 , 咖啡唔滑而且比普通咖啡嚡口 . 

冇所謂喇 , 未飲過試下無妨 , 下次唔叫囉 .

越式炸春卷

掛住食唔記影相 , 得番一件都照影 , 非常脆口 , 

饀有紅蘿白、粉絲、豬肉碎還有我們喜愛的芋頭蓉 , 

吃起來很有芋頭香味和古月粉味 . 

椰青係我0既 , 椰水很甜清涼可口, 椰肉幾嫩 . 

呵呵 ! 相公碗火車頭原來咁大碗0既 . 

這裡出菜速度都幾快 , 轉眼間便出齊哂所有食物 . 

餐廳都很整潔和清靜 , 還要一提是那位長髮侍應姐姐 , 

非常有禮貌又有耐性 , 笑起來很好看哩 !

餐後送糖水 , 有兩種選擇黑糯米和眉豆糯米 , 

黑糯米食得多 , 試下眉豆糯米 ( 麻麻地 )

都係傳統黑糯米好味 .