龍鼓灘 BBQ

跳舞老師發起去龍鼓灘 BBQ  , 

昨日我們師生共 55 人在天水圍西鐵站集合 ,

早一日天文台話有雨 , 好好彩今日冇落雨 , 

而且仲出太陽添 , 非常感恩 ! 

大部份同學都比原定時間早來了 , 

平時上堂音樂一起 , 我們各就各位 ,

很少機會傾談 , 難得今次係戶外活動 , 大家輕輕鬆鬆傾談下 ,

感覺我們好像小學生跟著老師去旅行一樣咁興奮 .

老師點完名一聲齊人 , 有車嚟出發喇 , 我們就進入車廂去 ,

到達屯門西鐵站轉 K 52 巴士到龍鼓灘 , 車程大概 45 分鐘 .

落車衹過一條馬路再行三兩分鐘便到達海邊 BBQ海邊餐廳 . 

今日係閒日暫時冇其他客人 , 

除了這裡有蓋的 BBQ 場外 , 海邊也擺放著燒烤爐和枱椅 . 

海邊好大風頂帽要用繩繞著頸 , 否則就比風吹得無影無蹤 .

海邊餐廳附近的天后古廟 .

 繞著海邊散步完畢 , 便返回餐廳準備開爐 , 

這裡是採用自助任食形式 , 這裡就是食物擺放地方 .

這裡除了 BBQ 還有卡拉 OK , 跳舞和麻雀耍樂 , 

各式其式任君選擇 , 呢邊廂已經有同學立刻開枱 , 

舞台上有人唱歌 .

我地開始燒嘢食 , 攞了一大盆食物 .

每位都有飲品換領卷 , 汽水和蒸餾水各一支 .

老師唱歌同學伴舞 , 我地一路燒嘢食 , 一路睇表演 ,
睇睇下有同學在台下跟著一齊跳舞 , 
嘻嘻引到我都唔食嘢住 , 走埋出去跳下先 , 
跳到攰又回來再燒嘢食 . 

餐廳預先用錫紙包著蔬菜和蕃薯 , 方便我們放入爐裡煨熟 .

黃昏日落餐廳亮著了有顏色的燈 .

休戰一陣 , 燒完嘢食再嚟過  .

玩到天黑 , 這餐廳做到晚上 11 點鐘才關門 , 

老師和大部份同學話會玩到夠鐘才走 , 

可能太攰有同學 8 點鐘便離開 , 

本來我都想 11 點鐘才走 , 但太攰最後 9 點鐘便離開 .