時間匆匆又到禮拜終 ,
上星期六秋高氣爽 ,
這裡的蔬果價錢比我住的地區平 ,
種類多又新鮮 , 還有些較冷門的蛋 ,
我怕影响菜檔做生意 , 快快手衹影了鵝蛋 ,
還有竹絲雞蛋沒有影相 ,
兩種蛋我都是第一次見 ,
8 元一隻鵝蛋貴唔貴呢 ?
掛住睇嘢唔知時間添 , 去到華輝餐廳 ,
已經下午茶時間 .
我們分別叫了雪菜肉絲炆米配熱檸檬水 ,
原汁牛腩湯河粉配熱檸檬茶 ,
另外叫一個雞批 .
這裡最出名係雞批和蘋果批 ,
曾經得過米芝蓮獎0架 ,
以前嚟食過蘋果批覺得饀較酸唔多啱食 ,
反而鍾意他的雞批 ,
酥皮很香牛油味又鬆化 ,
所以今次衹叫了雞批 ,
水準同上次一樣咁好味 .
又話原汁牛腩湯河 ,
都唔覺有牛腩汁0既
, 衹見到湯好肥 ,
我的雪菜肉絲炆米未到 ,
牛腩我唔食0既 , 衹試下河粉 ,
又係用炒嗰種河粉 , 又硬又冇味 ,
仲唔係幾熱添 ,
好似求其放入熱水中混兩下 no good ,
又問相公牛腩好唔好食呀 !
例牌答案牛腩好食夠稔 ,
次次佢都係咁講 ,
其實佢有牛肉食就話好0架嘞 .
雪菜肉絲炆米等咗超過二十分鐘 ,
催完仲要再等幾分鐘才到 ,
熱辣辣幾香 , 很少肉絲冇所謂喇 ,
反正我都唔鍾意食0既 , 但雪菜就更加少得可憐 ,
米粉又冇喱味道衹係辣辣地 , 成碟米粉超多細小黑點唔合格 ,
我懷疑佢炒完上一碟餸個鑊洗唔乾淨 ,
所以焦濃混哂入米粉嗰處 .
我記得上次食過雪菜肉絲炆米 , 當時係冇細小黑點 ,
又超好味食到美人照鏡 , 但今次完全令我失望 ,
有時我覺得食肆得到米芝蓮獎之後 ,
引來太多人幫襯 , 食物水準就好難保持 .
大埔海濱公園睇完放風箏
,
再徒步前去大埔墟火車站 ,
到鄰近的先達廣場食晚飯 .
從地下乘電梯直達二樓便看到太興 ,
食晚飯時間尚早 , 先看看店門外推介的餸菜 ,
新出品糯米飯釀雞幾得意 ,
現在仲半價添 , 九十幾文就有一隻 ,
問門外接待員是否真的 , 答案現在還未有0架 ,
噓 !
張廣告又唔寫明推介日期 , 接待員跟住拿著菜牌 ,
對著我們極力推介豆腐龍躉骨湯 $ 98 , 看圖樣都算唔錯 ,
接待員還說除這味龍躉骨湯外 , 還有好幾款炒或炆龍躉 ,
我們睇中炒龍躉魚片啖啖肉 , 同樣係 $ 98 ,
還有相公鍾意食的羊腩煲 , 既然啱食就入去 lu .
人都未坐定 , 侍應姐姐就立刻問我地食乜餸 ,
好彩我地在門口已經選定了餸菜 ,
首先叫炒龍躉魚片 , 侍應姐姐即刻話賣哂嘞 ,
吓 ..... 現在 6 點半咗喎 , 咁好生意0既
,
跟住佢話食豆腐龍躉骨湯喇 ,
仲有兩煲咋 , 唔係亞嘛 !
呢味湯得豆腐和魚骨都咁多人幫襯 ?
菜牌裡龍躉餸還有幾款 ,
改食炆吧 !
侍應答得仲快 , 呢 d 全部都冇嘞 ! 又冇 ?
再睇過其他魚的煲仔菜 , 個名唔記得了 ,
衹記得我指住幅圖片 ,
侍應姐姐同樣答得好快 , 呢味冇0架 , 買唔到魚皮 ,
吓 ! 買唔到魚皮 , 咁多樣有關魚的餸都冇 ,
我開始有點不耐煩 , 算嘞唔食魚改睇過其他餸 ,
京式豬扒酸酸甜甜都唔錯 , 就要呢味喇 ,
侍應姐姐又係非常快 , 好清晰地回應我 ,
冇0架 , 你食咕嚕肉喇 .有冇攪錯呀 !
我叫親味味餸都係冇0架 , 豬扒都冇 ?
唔通又係買唔到豬扒 ?
我最憎食肆的咕嚕肉通常都肥騰騰 ,
登時火都嚟埋 , 我覺得如果食材買唔到 ,
或者食材太貴做唔到菜牌上的價錢 ,
可以寫住時價或者索性暫停供應 ,
唔好等顧客比門外的菜牌引咗入嚟 ,
然後呢樣冇嗰樣又冇 ,
夾硬要客人食他們指定的食物 , 這樣令人很反感 .
我從來未試過在其他食肆 , 發生咁多樣餸冇0既
,
咁我現在食乜嘢呢 ? 真係食咕嚕肉 ?
算嘞去第二間食 ! 走 .....
求其過隔離越棧吧 ! 相中右手面旁邊 ,
近中間位置都看到太興的糯米飯釀雞 ,
現在冇得賣就寫清楚 d ,
唔駛客人頭中中入咗去又話冇嘛 .
發完牢騷 ,
回頭望下越棧裡面 ,
好似冇乜客0既 , 懶得再去搵第二間 ,
心諗冇咁啱又係差卦 !
好0既唔靈醜0既靈 , 又係唔多啱食0既 ,
唉
....... 今日發生咩事呀 !
鹹檸檬 7 喜汽水和椰汁紅豆冰 ,
兩杯的味道都一般 .
越式炸春卷
皮好脆但裡面 d 饀好稔
,
由其粉絲稔到溶溶地 , 唔好食 .
咖喱牛脷撈金邊粉
牛脷稔到不得了 , 冇喱口感 , 味道過得去 .
香茅豬扒配紅米飯
豬扒凍0既太瘦好硬又好嚡 , 紅米飯一啲熱0既感覺都冇 ,
煮得太稔又冇飯味 . 今餐又係唔多啱食 ,
行過附近的包包店 , 買兩件芝士餅回家吃
.
意大利芝士餅食味一般 ,
法國芝士餅唔好味 , 食唔出芝士味 .
沒有留言:
張貼留言