歌舞表演

續 : 江門市二天遊金凱悅酒店自助晚餐

吃過自助晚餐 , 又可以返回酒店房間繼續看電影 , 

直至差不多夠鐘才到樓下大堂集合前去看表演 . 

表演場地距離酒店腳程大概 7 - 8 分鐘便到達 . 

表演場地好大 , 表演節目還未開始 , 場內的燈光不斷變換顏色 .

表演開始了 , 我坐的位置偏遠又唔係對正舞台 .

舞台上除了少量佈景外 , 

藝員背後的大營光幕也不時變換與歌曲有關的背景 .

歌星都幾好氣 , 一唱就唱幾首歌 .

藝人衣著很大躍進 .

左手面的男士係司儀兼歌星 , 整晚都在攪氣氛和唱歌 , 

看他走來走去工作都好辛苦 . 其餘兩位歌星除了唱歌 , 

間中講笑話攪氣氛 , 中間女生的歌聲和說話聲線幾似梅艷芳 , 

全晚佢都係唱梅艷芳的歌 .

表演的歌舞都算唔錯 , 

但可能早上太早起床而且整日行程緊密 , 

開始有點疲累 , 睇表演之時不是太投入其中 , 

直至白色衫的表演者唱歌 , 使我立刻精神起來 . 

司儀介紹他出場時說 : 

他是位大學畢業生而且仲修讀過其他學科 , 

怪不得他樣子斯斯文文 , 一點也不像藝人 , 

他唱了兩首歌 , 第一首他用女聲唱出 , 

如果閉上眼晴我一定以為係女生唱的 , 他的音域很廣 , 

但以前都有很多歌星都識用假聲唱歌 , 所以都不算稀奇 , 

但第二首歌較為難度高少少 , 這首歌係男女合唱的歌曲 , 

同時間他一個人演繹 , 轉聲位非常短 , 

係唱完男或女聲就即時轉另外一把聲唱 , 

但看他好像毫無難度 , 

( 我未學過唱歌 , 所以覺得係一件很難的事 ) 

其間他男變女聲 , 女變男聲唱得很好聽 . 

當他唱完兩首歌 , 大家都大力拍掌大叫 encore , 

但司儀跟我們說唔會了 , 因為他需要休息 , 

等會他再出場唱其他歌的 , 這樣我們立刻好乖唔出聲 .

表演好幾首歌舞後 , 藝員和歌星都要休息了 , 

司儀又要出場攪氣氛 , 他請現場朋友出來模仿他的動作 , 

誰人模仿得最似就有個毛公仔 , 

立刻有位年青朋友一躍而上舞台 , 

跟住有另外三位男士也相繼上台 , 

最後有兩位女士也參加 , 

當時司儀冇講要模仿乜嘢動作 , 

大家都以為衹是一些攪笑動作而矣 ! 

噢 ! 大件事  ! 突然看到工作人員手裡拿著一根鋼管 , 

往台上一送 , 司儀便立刻大跳起鋼管舞來 , 面部表情意態撩人 , 

動作詼諧又性感 , 大家都哈哈大笑起來 , 

司儀表演完 , 輪到參加者表演 , 好戲在後頭 ,

剛才一躍而上第一位男士 , 扭扭擰擰點都唔肯表演 , 

司儀叫佢唔表演就立刻下台 , 但他又唔肯下台 , 

後來另外三位男士都相繼表演了 , 好攪笑啊 !

司儀表演鋼管舞 , 

除了第一位男士冇表演之外 , 

其餘三位男士都有表演 , 唔影佢地 lu , 

輪到第一位女士表演 , 

噢 .... 她跳起鋼管舞來有板有眼 , 甚好看啊 !  

第二位表演的女士 , 雖然冇第一位跳得咁好睇 , 

但她跳得好投入 , 比賽結果大家公認第一位女士應該得獎 , 

司儀好識做兩位女士都有獎品 . 

剛才那位男生再度出場 , 唱回男聲歌曲 , 他的歌聲真不錯 ,
他唱歌期間舞蹈藝員伴舞 , 好好睇 .

當他唱唱下歌 , 台下觀眾有位男士送他一瓶啤酒 , 

他衹猶豫一下 , 便用俗稱吹喇叭形式一口氣飲哂 , 

嘩好犀利啊 ! 跟住又繼續唱歌 . 

如是者兩次 , 似乎啤酒完全沒有對他有任何影響 . 

後來女歌星都同樣用吹喇叭形式飲了一瓶啤酒 , 

跟住都係若無其事繼續唱歌 . 

本來表演節目時間從9 點鐘開始至11 點鐘便結束 , 

可能睇和表演的人都好投入 , 熱鬧得很 , 

最終表演至差不多12 點才結束 . 

表演完畢 , 大班團友又到酒店的餐廳吃宵夜 . 

宵夜衹有白粥、炒腸粉和炒河粉 , 但係熱辣辣食完好舒服 .

瞓醒到酒店餐廳食自助早餐 , 

食完早餐我和相公循著昨晚的路線去看看表演場地  .

夠鐘集合了 , 繼續餘下兩個景點 , 

1 . 江門市星光公園

2 . 圭峰山公園 

待續 ........