深圳兩天遊完結篇

續 : 深圳兩天遊自助早餐

我和相公食完早餐便返回房中 , 

把行李收拾好便繼續發呆 

終於差不多十一點鐘 , 落餐廳食埋午餐便返香港 .

交完房間開門咭 , 還未夠鐘食午餐又周圍逛下 .

等會兒我們就在這裡吃午餐 , 天花是用透明玻璃建造 , 

好彩今日唔係好猛太陽 , 如果唔係就要戴太陽帽 . 

導遊哥哥可能希望我地各個團友多點聯誼 , 

今餐又把我們的坐位大兜亂 , 

入到餐廳又要周圍搵自己的坐號 .

開餐 ! 連續吃了兩次自助餐開始有些悶 ,

我們被安排坐六人長餐枱 , 

其中四人要分別坐在兩張長沙發 , 

其中一個咪就係我囉 , 枱同沙發距離很遠 , 

食嘢要伸長條頸 , 好似長頸鹿食嘢 .

算喇反正大把時間 , 同團友邊吃邊傾偈都幾開心 , 

原來昨日我和相公到鬧市行街 , 

向右走成條街都係衣飾 , 向左走就全部係食肆 , 

團友話嗰邊有各地唔同風味的食肆 , 

連香港禁的狗肉店都有 , 引得我想去八一八 , 

導遊講過午餐吃到 2 點鐘才集合 , 

看看手錶現在還未夠 1 點鐘 ,

有足夠時間去看看 , 當我們正想離開之時 , 

突然導遊又逐張枱埋去講 : 

你地食到 1 點半就要離開餐廳 , 

 因為要交番個廳比人 , 

跟住到大堂集合上車返香港 .

乜話 ! 又提早半個鐘上車 , 

真掃興我仲想去八下0架嘛 , 現在冇得去咯 !  

吃飽飽返香港了 , 

我們到達深圳灣關口才 2 點半 , 

等過關的人甚少 , 我們很快便返到屋企 . 

旅遊後記 : 

今次兩天遊本來食住和參觀的景點都算唔錯 , 

衹是導遊唔知因乜原因把兩日參觀的景點 , 

趕忙草草用半天時間完成 , 

餘下來的時間都是呆在酒店 , 真不是味兒 !