續 : 荷蘭風情花卉小鎮
我們極速參觀完荷蘭小鎮 , 又趕忙返回旅遊巴士上 .
導遊哥哥聲如洪鐘加上他有少許鄉音對著我們說 :
等陣我地去食午飯 , 今日十分之多人 ,
我地已約好十一點半食飯 ,
你地聽住我為你地已排好食飯枱 ,
我好專心聽住自己坐旅巴上的坐位號碼 ,
但都係聽唔清楚我和相公究竟坐第4圍吖還是第5 圍 ?
我都唔明導遊哥哥為乜要把所有坐位大兜亂 ,
而唔係順著坐位號碼 , 10 個一圍 , 攪到大家一頭冒水 ,
後來他再讀一次 , 唉
... 真係複雜 !
總算大家清楚知道自己坐喺邊度了 ,
他開始形容等會吃飯的酒樓喺呢度都幾好的 ,
又介紹午飯的餸菜 ,
他的聲音實在太響亮了 ,
我衹聽到蓮藕排骨湯 , 以往跟團旅行在這些時間 ,
導遊都趁住大家團友冇瞓著 , 都會介紹景點資料及其特色 ,
或者講下該景點的典故 , 但這位哥哥就乜都唔講 ,
衹講他們的工資和樓價 , 他說 :
現在深圳樓動不動都要二三百萬才可以買樓 ,
打幾十年工都買唔到樓 , 反而有關旅遊的事就隻字不提 ,
但有一樣事佢就講了幾次說 :
我喉嚨唔舒服係飲得多熱氣湯 , 真係莫明其妙 ,
咁即係點呢 ?
到了 , 趕忙落車
酒樓咁0既 , 聽導遊形容我幻想應該唔係咁0架喎 ,
呢度門口都擺埋枱椅什物 , 還有一位客人食緊碟頭飯 .
咁靜0既 , 好彩都好整潔 .
煲湯稀稀的但湯面蓋滿一層油 ,
明明話係蓮藕排骨 , 但現在變咗 ?
終於搵到粟米和少量紅蘿白肉就欠奉 ,
其中一位小朋友問爸爸說 : 冇肉點解 d 湯咁多油0既 ,
爸爸答 :
係上一手煲完湯洗唔淨留低0既 , 引得我們大笑起來 .
生炒排骨 , 名符其實排骨 , 嚿嚿骨 .
清炒鮮百合西芹
白切雞煮得好生 , 見到咁多血 ,
大家情願食雞胸肉都唔食雞肶 .
XO 醬清炒白豆角 ,
豆角很鮮嫩但好多油 .
冬菇煮白菜油淋淋
蒜蓉炒油麥菜 , 勁多油 .
燒鵝我唔食0既 , 位位團友都讚好味 .
饅頭白色係蒸 , 暖都唔暖好韌 ,
炸饅頭就超熱剛炸出來 , 外皮脆脆但油多到不得了 .
豉汁蒸黃立倉 ,
魚肉冇鮮味唔好食 , 又蒸得過熟魚肉韌韌地 .
呢個就係導遊所講的十全十美特式宴 ?
我們剛剛吃完飯 , 導遊又嚟叫我地出去行下 ,
跟住就上車 , 咁趕做乜呢 ?
待續 ..........
沒有留言:
張貼留言