觀日落 ?

上星期到龍鼓灘BBQ , 覺得那裡環境不錯 , 

從網上資料看到龍鼓灘也是觀賞日落的好地方 , 

可媲美流浮山的白泥 . 

昨日星期天我和相公閒來無事遊巴士河到龍鼓灘閒逛 , 

順道觀賞日落 , 但天公不造美 , 整天太陽伯伯也沒有出現 , 

我們衹是周圍逛逛 , 雖然今日是星期日 , 

但天氣突然轉涼又天陰陰 , 海灘上遊人甚少 . 

海浪聲此起彼落 .

海上也有人正在垂釣 . 

一大群人正在忙著 BBQ 

有得睇冇得食 .

海灘太大風不宜久留 , 

我們跟著指示牌行去瞭望臺希望能遇上白海豚 . 

嘩 ..... 要行咁多石級 , 但一場嚟到上就上喇 ! 

我們一路行石級 , 一路數下有幾多級才上到頂 , 

沿途睇下風景和樹木都唔多覺疲倦 . 

繼續上呀 ! 

呵呵 ... 小狗好犀利 , 自己行唔駛主人抱抱 . 

喔 ! 這隻狗狗不用自己行 , 伏在主人身上幾識歎世界 . 

終於上到頂 , 

連埋右手邊上瞭望臺的石級總共行了 338 級 , 

這裡超大風 , 環顧周圍環境風涼水冷 , 

乜都冇衹得一個涼亭和幾張椅 , 

同埋有些告示牌 , 講有關白海豚和江豚的成長和出沒地方 .

冇海豚睇 , 睇下風景都唔錯0既 . 

踏石角青山發電廠 . 

遠處有對情侶正在散步 . 

遠處興建了很多丁屋 .

欣賞完風景又要行番 338 級石級返回地面 .

這隻鳥企喺度很久了 .

突然間佢的行為好怪異 , 在水中走嚟走去 .

左騰右騰我個相機喺咁跟住佢 , 頭都暈 .

突然牠往水裡一啄 .

嘴裡就夾住條魚 , 牠把頭搖幾搖條魚就消失在牠嘴裡 .

飽餐之後就施施然飛走了 .

單車路去邊0既呢 ? 跟住行去睇睇先 .

沿著單車徑貼住海邊向前行 , 

海浪不停來來回回地衝上岸邊 , 海浪聲很舒服 . 

這四位男士擺好哂鏡頭向住個海 , 唔知喺到等乜 .

前面四個人正在釣魚 , 咁大浪都唔知有冇魚0既 . 

有喎 , 不過好細條  . 

海浪拍打著岸邊的欄杆

嗰四位男士仍很專注看著遠遠的海上 .

天氣愈來愈凍 , 回程吧 !

四位男士仍然企喺到等乜呢 ? 

我真係好想知 , 但天氣太凍我地唔想停留太耐 , 

都係唔好咁八卦了 , 不過 , 我諗佢地係等白海豚出現 .