歲晚修爐

我的大本營( 廚房 ) 變得空空洞洞 , 

真是有點兒不習慣 , 事緣早在兩星期前 , 

我突然感到好幫手雪櫃年紀已有番咁上下 , 

該給它退休了 , 我和相公到處各電器公司看看 , 

但體積總是跟現有放雪櫃位置不符合 , 

一係好大或好細 , 把心一橫索性把廚房裝修一下 , 

每年夏天風總是從廚房窗吹來 ,

試過好幾次把煤氣爐吹熄了 , 好似不太安全 . 

今次順道連煤氣爐跟洗菜盆對掉 ,  

 我諗住衹作簡單裝修 , 相信不會太麻煩 , 

但 ..... 我估錯了 ! 

找裝修公司上門睇工程 , 

廚櫃 , 雪櫃 , 抽油煙機 , 煤氣爐都要花時間物色 , 

約好裝修公司便預早把廚房一切物品搬到客廳 , 

噢 ... 原來一個小小廚房竟然有那麼多雜物 ? 

終於昨天正式開工 , 工人把所有舊設施全拆掉 , 

跟住拆地上地磚 , 嘩 ..... 嘈得要命啊 ! 

怪不得古語有云 : 一動不如一靜 . 

好彩我有籍口上課 , 逃離家園 2 小時 , 

相公坐陣 , 放學後我要外賣給相公吃 , 

變相沒有籍口周街行了 .

今日諗住工人會來開工 , 但等了兩小時沒有來 , 

很擔心遇上唔好的公司 , 

打電話查問才知道佢今明兩天都不會來開工 , 

唉 .. 早點出聲吖 ! 等我在家白等 . 

看到周遭雜物 , 又唔可以收拾 , 出外飲茶行街街好過 . 

 羅漢齋炒麵 , 碟麵好似瘦身成功喎 , 

以前食過好多間食肆這款麵 , 

總是有冬菇和紅蘿白和其他配菜 , 

今次寒酸得很 , 衹有罐頭磨菇 , 少量雪耳和粟米仔 , 

幾棵小棠菜 , 麵得好少但筍片就有 9 片

 玫瑰紅豆包 , 紅豆饀冇紅豆味0既 . 

週末難搵位我們早在6 點鐘便到意式餐廳 , 但都要等位 . 

晚餐 : 周打魚海鮮湯 , 焗羊鞍 , 地中海海鮮飯 , 帕馬火腿pizza . 

 相公每次例食這款羊鞍 , 而且例牌答案 : 好食 . 

 地中海海鮮飯 , 飯太稔麻麻 .

帕馬火腿 pizza , 火腿好似生生地 , 唔啱口味冇食 .