廚房變身黑白配

廚房裝修完成而且把雜物全部收拾好了 , 

今次因為想換雪櫃但體積放不下原有位罝 , 

索性把廚房來個變身 , 把洗菜盆和煮食爐對調 , 

廚房變身前後都影下來留作紀念 . 

雖然衹作簡簡單單改動但都幾麻煩 , 

現在處理餸菜很不習慣 , 我諗要用一段時間才能適應 . 

 

心情靚靚去買餸 , 可能做無飯主婦十幾日 ,

入到街市看見好多樣食材都想買 , 

難於取捨倒不如打邊爐吧 ! 

食材 : 菜肉雲吞 , 魚蛋 , 羊肉片 , 豬肉片 , 藍青口 , 

鮮魷魚 , 鯇魚腩 , 豆腐 , 大豆芽菜和生菜 . 

 

廚房未變身前 

廚房變身採用簡單的黑白配 , 

枱面黑色麻石配白色暗花廚櫃 , 

原有煮食三頭煤氣爐也是黑色 , 

感覺它跟黑麻石枱面混埋一齊 , 

所以把煤氣爐也換成粉藍色兩頭爐 , 

舊抽油煙機衹用了四年多開始出問題 , 

順便換埋有自動清洗功能 , 我又可以做少啲嘢 ,

黑白配廚房覺得好似較單調 , 地板改為有花嚡面地磚 . 

我以前用開直立揭蓋式洗衣機 , 

搬來這裡改用這款洗衣機好唔習慣 , 

上一部洗衣機衹用了二年多就壞 , 

換這部洗衣機用咗年幾唔捨得換 , 

今次裝修都預留位置將來換回揭蓋式洗衣機 , 

洗衣機位對上櫃底剛好放到部焗爐 .